திருப்பூர் தெற்கு குறுமைய கூடைப்பந்து, ஹாக்கி வெற்றி பெற்றோர் விபரம்

திருப்பூர் தெற்கு குறுமைய அளவிலான மாணவியர்கள் கூடைப்பந்து & ஹாக்கி போட்டிகள்

இக்கல்வியாண்டிற்கான திருப்பூர் கல்வி மாவட்டத்திற்குட்பட்ட திருப்பூர் தெற்கு குறுமைய அளவிலான விளையாட்டுப்போட்டிகளை அரசு ஆதி திராவிடர் நல உயர்நிலைப்பள்ளி நடத்துகிறது.

 14, 17 & 19 வயதிற்குட்பட்டோர்களுக்கான  மாணவியர்கள் கூடைப்பந்து போட்டிகள் மற்றும் ஹாக்கி போட்டிகள் ராக்கியாபாளையம், செஞ்சுரி பவுண்டேசன் பள்ளியில் நடைபெற்றது.  செஞ்சுரி பள்ளியின் முதல்வர் ஹெப்சிபா பால், துணை முதல்வர் ஆக்சிலியா மைக்கேல் ஆகியோர் போட்டிகளை துவக்கி வைத்தனர்.

கூடைப்பந்து போட்டிகள்

14 வயதுக்குட்பட்டோர் பிரிவில் 2 அணிகள் பங்கேற்றன. விவேகானந்தா பள்ளி அணி 24 : 06 என்ற புள்ளிகள் வித்தியாசத்தில் செஞ்சுரி பவுண்டேசன் பள்ளி அணியை வென்றது.

17 வயதிற்குட்பட்டோர் பிரிவில் 6 அணிகள் பங்கேற்றன. செஞ்சுரி பவுண்டேசன் பள்ளி அணி 48 : 12 என்ற புள்ளிகள் வித்தியாசத்தில் பிளாட்டோஸ் அகாடமி பள்ளி அணியை வென்றது.

19 வயதிற்குட்பட்டோர் பிரிவில் 4 அணிகள் கலந்துகொண்டன. இறுதிப்போட்டியில் பிரண்ட்லைன் அகாடமி பள்ளி அணி 25 : 20 என்ற புள்ளிகள் வித்தியாசத்தில் விவேகானந்தா பள்ளி அணியை வென்றது.

ஹாக்கி போட்டி முடிவுகள்

14 வயதுக்குட்பட்டோர் பிரிவில் 4 அணிகள் பங்கேற்றன. கிட்ஸ் கிளப் பள்ளி அணி 3 : 0 என்ற கோல் கணக்கில் செஞ்சுரி பவுண்டேசன் பள்ளி அணியை வென்றது.

17 வயதுக்குட்பட்டோர் பிரிவில் 4 அணிகள் பங்கேற்றன. செஞ்சுரி பவுண்டேசன் பள்ளி அணி 4 : 0 என்ற கோல் கணக்கில் பிரண்ட்லைன் அகாடமி பள்ளி அணியை வென்றது.

19 வயதுக்குட்பட்டோர் பிரிவில் 4 அணிகள் பங்கேற்றன. செஞ்சுரி பவுண்டேசன் பள்ளி அணி 5 : 0 என்ற கோல் கணக்கில் கிட்ஸ் கிளப் பள்ளி அணியை வென்றது. 

Previous Post Next Post