உதயநிதி ஸ்டாலின் 44 வது பிறந்த நாளை முன்னிட்டு தூத்துக்குடி மாவட்டம் கோவில்பட்டியில் நகர திமுக இளைஞரணி சார்பில் அரசு மருத்துவமனையில் பிறந்த குழந்தைகளுக்கு தங்க மோதிரம் அணிவிக்கும் நிகழ்ச்சி நடைபெற்றது.
நிகழ்ச்சிக்கு தூத்துக்குடி வடக்கு மாவட்ட திமுக இளைஞரணி செயலாளர் மதியழகன் தலைமையில் நகர இளைஞர் அணி அமைப்பாளர் கே.மகேந்திரன், சிறுபான்மையினர் நல உரிமை அணி துணை அமைப்பாளர் அமலி பிரகாஷ் ஆகியோர் முன்னிலையில்
கோவில்பட்டி நகர திமுக செயலாளர் கருணாநிதி கலந்துகொண்டு அரசு மருத்துவமனையில் பிறந்த 16 குழந்தைகளுக்கு தங்க மோதிரம் அணிவித்து தாய்மார்களுக்கு நலத்திட்ட உதவிகள் வழங்கினார்.
இந்நிகழ்ச்சியில் மாவட்ட, நகர,ஒன்றிய திமுக நிர்வாகிகள் சேதுரத்தினம், ராஜகுரு,கணேசன், முனியசாமி, காளியப்பன், அன்பழகன்,ராமமூர்த்தி, மாரிச்சாமி, ரவீந்திரன்,மணி, அண்ணாதுரை, புஷ்பராஜ்,சசிகுமார்,சரவண குமார்,ஹரிஹரன், டீக்கடை சந்திரசேகர், மகேஷ் ராசுக்குட்டி, பூக்கடை கண்ணன், உள்ளிட்ட பலர் கலந்து கொண்டனர்.
